Somalia

Hogaamiyaha Soomaaliya oo diiday inuu magaalada Beijing kula kulmo Ra’iisul Wasaaraha Itoobiya

avatar of axadleBy axadle

 
Sabti, September, 7, 2024 (AX) – Hogaamiyaha Xukumadda Federaalka Soomaaliya Xasan Sheekh Maxamuud ayaa ku gacan seyray inuu magaalada Beijing ee Shiinaha kula kulmo ra’iisul wasaaraha Itoobiya Abiy Axmed, sida ay xaqiijiyeen ilo lagu kalsoon yahay.
Wararka aanu helnay waxay sheegayaan in hoggaamiyeyaal Afrikaan ah oo ay ku jiraan madaxweynaha Jabuuti, madaxweynaha Mauritania, iyo ergeyga gaarka ah ee Midowga Afrika, ahna Madaxweynihii hore ee Nigeria, Olusegun Obasanjo, ay madaxweynaha Soomaaliya usoo gudbiyeen soo jeedinta kulanka isaga iyo Abiy Ahmed.
Waa markii labaad oo uu madaxweynaha Soomaaliya uu diido inuu la kulmo raysal wasaaraha Itoobiya.
Bartamihii sanadkan ayay ahayd markii madaxweynaha Kenya Willian Ruto uu isku dayay inuu magaalada Nayrobi ku kulansiiyo Xasan Sheikh iyo Abiy Ahmed. Hase ahaatee, madaxweyne Xasan Sheikh ayaa kulankaas diiday.
Dawladda federaalka Soomaaliya ayaa ku adkaysatay mawqifkeeda ku aaddan in Itoobiya ay baabi’iso heshiiskii is-afgaradka ahaa ee ay la gashay Gobaladda Waqooyi, ka hor inta aan la gelin wada-hadal toos ah.

avatar of axadle
axadle 19607 posts

I am a professional and passionate Linux server administrator, future web developer, junior php developer.

I am currently creating content for Axadle and Jowhar and enjoy playing with Linux and all of its other distributions.

I love working with computers and believe in sharing knowledge. Follow me to find out more about what's happening in the Horn of Africa.

This website uses cookies to improve your experience. We'll assume you're ok with this, but you can opt-out if you wish. Accept Read More