Ciidamada Militariga DFS iyo Al-Shabaab ayaa ku dagaalamay deegaanno u dhaxeeya Balcad iyo Basra Gobolka Shabeelaha Dhexe oo katirsan DG Hir-Shabeelle.
Dagaalka ayaa yimid kadib markii Ciidamo katirsan Militariga DFS Dhaq-dhaqaaqyo Ciidan ka sameeyeen deegaanno la sheegay in ay ku sugan yihiin Al-Shabaab.
- Advertisement -
Iska hor imaadka ayaa ka dhacay duulooyin hoostaga Deegaanka Basra sida Axadle ay u xaqiiyeen ilo xog ogaal ah, waxaana ka dhashay khasaare badi gaaray dhinacyada dagaalamay.
Al-Shabaab ayaa sheegatay in weerar Jidgal ah ay ku qaaday kolonyo gaadiid dagaal ah oo ay wateen Ciidamada Dowladda Federaalka, isla markaana mararay wadada isku xirta Basra & Balcad.
Kolonyada Ciidamada ayaa mareysay inta u dhaxeysa Basra & Balcad, waxaana Al-Shabaab sheegatay in ay gubtay mid kamid ah Gawaarida ciidanka gaar ahaan nuuca Soomaalidu u taqaan Cabdi Bilaha.
Dowladda Federaalka kama aysan hadlin sheegashada Al-Shabaab ee ah in ay weerar jidgal ah ku qaaday, isla markaana ay gubtay gaari ay wateen militariga Soomaaliya oo howlgalkaas qayb ka ahaa.
Maamulka Hir-Shabeelle ayaa inta u dhaxeysa labada Shabeelle u arka in weerarada Al-Shabaab ee Gobolka Shabeelaha Dhexe kasoo abaabusho deegaannada ka xiga dhanka Shabeelaha Hoose.
Axadle
