Ururka Reporters Without Borders ayaa ugu baaqay mas’uuliyiinta Niger inay si degdeg ah u bilaabaan baaritaan ku saabsan waayitaanka wariyaha caanka ah ee Moussa Kaka, kaas oo la la’yahay kaddib markii uu ka baxay xafiiskiisa magaalada Niamey, maalmo un kaddib isku day afgambi oo fashilmay.
Kaka, oo hore uga tirsanaa wariyeyaasha Radio France International isla markaana sidoo kale maamula telefishan gaar loo leeyahay, wax war ah lagama hayo, arrintaas oo walaac ku abuurtay qoyskiisa, asxaabtiisa shaqada iyo dadka u dooda xorriyadda saxaafadda.
- Advertisement -
Waayitaankiisu wuxuu ku soo beegmayaa xilli xiisadaha siyaasadeed sii xoogeysanayaan, isla markaana wariyeyaashu la kulmayaan cadaadis isa soo taraya oo ka jira xukuumadda milateriga ee Niger. RSF waxay dalbanaysaa in mas’uuliyiintu shaaciyaan halka uu ku sugan yahay Kaka ayna sharraxaan duruufaha ku xeeran waayitaankiisa.
