Paul Pogba, Donny van de Beek iyo David de Gea ayaa lagu soo daray kooxda Manchester United ee u safreysa Talyaaniga si ay ula ciyaaraan AC Milan wareega labaad ee wareega 16ka Europa League.
Kooxda uu hogaamiyo Ole Gunnar Solskj tonightr ayaa caawa ka dagi doonta dalka talyaaniga waxayna hal habeen wada qaadan doontaa ka hor inta ayna AC Milan isku dhicin San Siro Stadium khamiista.
Manchester United ayaa lugtii hore barbardhac 1-1 ah lagashay garoonka Old Trafford, wareega labaadna waa inay dhaliyaan ugu yaraan hal gool xitaa hadii ay barbaro tahay, waayo barbaro goolal la’aan ah ayaa ka dhigi doonta inay soo gudbaan wareega 8da ee AC Milan. .
Red Devils waxay ku jirtay jawi wanaagsan ciyaarta ka hor waxayna soo dhaweysay seddex ciyaaryahan oo labo ka mid ah ay muddo dheer maqnaayeen.
Paul Pogba, Donny van de Beek iyo David de Gea ayaan ciyaarin marxaladda koowaad, laakiin Pogba ayaa garoomada ka maqnaa tan iyo 6-dii Febraayo isagoo qaba dhaawac muruqa ah, halka Van de Beek uu seegay 7-kulan, goolhaye De Gea-na uu ka soo laabtay karantiil. … kadib safar uu ku aaday Spain halkaas oo uu wiil ku dhalay.
Juan Mata iyo Anthony Martial ayaa ku maqan dhaawacyo, laakiin Ole Gunnar Solskjaer, oo markii hore ku soo daray kooxda Edinson Cavani ayaa markii dambe laga reebay ka dib markii uu helay xog ku saabsan in weeraryahanka reer Uruguay uusan diyaar u ahayn safarka.
Liiska Man United ee isku dhacii AC Milan
De Gea, Henderson, Grant; Lindelof, Maguire, Shaw, Telles, Tuanzebe, Wan-Bissaka, Williams; Amad, Fernandes, Fred, James, Matic, McTominay, Pogba, van de Beek; Greenwood, Rashford.
