Isku aadka tartanka Champioins League ee xili ciyaareedkan cusub ee 2020-21 ayaa la samayn doonaa maalinta berri, waxaana xaflad lagu qaban doono magaalada Geneva ay koox walba indhaheeda ku arki doontaa saddexda kooxood ee ku wehelin doonta heerka group-yada.
Afarta kooxood ee Premier League ku leeyahay Champions League xili ciyaareedkan, ayaa waxa dhalada koowaad kaga jirta Liverpool oo kaliya, halka saddexda naadi ee kale ee Manchester City, Manchester United iyo Chelsea ay dhamaantood ku jiraan quraaradda labaad.
Kooxda horyaalka Premier League difaacanaysa ee Premier League ayaa xili ciyaareedkii hore wareegga 16ka kaga soo hadhay tartanka Champions League oo ay difaacan kari wayday, waxaana si xarrago leh koobka u qaadatay Bayern Munich oo dhexda kusii karbaashtay Chelsea, Barcelona iyo PSG.
Liverpool ayaa wadnaha farta ku haysa, waxaanay warbaahinta Ingiriisku taxayaan kooxaha suurtogalka ah ee ay ku dhici karaan, inkasta oo aanu sharcigu ogolayn inay naadiyo Premier League ay ka wada ciyaaraan isku group noqdaan.
Tababare Jurgen Klopp ayay kooxdiisu ku beegmi kartaa, Barcelona oo dhalada labaad ku jirta doorkan, sidoo kale, Inter Milan oo xulashada saddexaad ah iyo Borussia Monchengladbach oo kooxda afraad noqota ayaa ah group-ka dhimashada ee Liverpool ay geli karayso.
Haddii Barcelona ay kala badbaadaan, waxa kale oo isla dhaladaas kaga soo bixi karta Atletico Madrid oo ahay kooxdii xili ciyaareedkii hore ku garaacday wareeggii 16ka ee ka reebtay tartanka Champions League.
Sida kooxuhu ugu kala jiraan dhalooyinka isku-aadka:
Dhalada koowaad: Bayern Munich, Sevilla, Real Madrid, Liverpool, Juventus, Paris St-Germain, Zenit St Petersburg, Porto.
Dhalada labaad: Barcelona, Atletico Madrid, Manchester City, Manchester United, Shakhtar Donetsk, Borussia Dortmund, Chelsea, Ajax.
Dhalada saddexaad: RB Leipzig, Inter Milan, Lazio, Atalanta, Lokomotiv Moscow, Marseille, Club Brugge, Borussia Monchengladbach, Istanbul Basaksehir, Rennes, Dynamo Kiev, Ferencvaros, Olympiakos.
Dhalada afraad: Lokomotiv Moscow, Marseille, Club Brugge, Borussia Mönchengladbach, Istanbul Basaksehir, Rennes, Ferencvaros.
Waqtiga ay dhici doonaan kulamada heerka groups-ka:
Kulamada koowaad 20/21 October
Kulamada labaad 27/28 October
Kulamada saddexaad 3/4 November
Kulamada afraad: 24/25 November
Kulamada shanaad: 1/2 December
Kulamada lixaad: 8/9 December
