Garsoore Maraykan ah ayaa diiday in la laalo xukunka dambiga ee Ghislaine Maxwell iyo xukunka 20 sano ee xabsiga ah ee lagu riday, kaas oo la xiriira inay ka caawisay maalgeliyihii geeriyooday Jeffrey Epstein inuu si galmo ah u tacaddiyo gabdho da’yar ah.
Go’aan maanta la shaaciyey, Garsooraha Degmada Maraykanka ee Manhattan Paul Engelmayer ayaa ku gacan sayray doodihii Maxwell, isagoo ku tilmaamay kuwo aan wax sal iyo raad ah lahayn, islamarkaana sheegay in dhammaantood ama ku dhowaad dhammaantood ahaayeen dooddo aan micne sharciyeed lahayn.
- Advertisement -
Maxwell, oo 64 jir ah, ayaa iskeed isu difaacday iyada oo ka hor imanaysay xukunkii dambiga iyo ciqaabtii lagu riday bishii December 2021 ee maxkamadda federaalka ee Manhattan. Waxay codsatay amar habeas corpus ah oo caddeynaya in ciqaabteedu tahay mid sharci-darro ah.
Xeer-ilaaliyeyaashu waxay ku doodeen in sheegashooyinkii ugu dambeeyey ee Maxwell ay ahaayeen kuwo aan sal lahayn ama la gudbiyey kaddib wakhtigii kama dambaysta ahaa ee sharcigu oggolaa.
Garsooruhu wuxuu sidoo kale ku soo gabagabeeyey in caddeymaha ay Maxwell soo bandhigtay ee ay ku sheegtay “cusub” ay lahaayeen wax yar ama aanba wax xiriir ah la lahayn kiiskeeda.
