Aabaha dhalay xiddig Barcelona ka tirsan ayaa ku dhaartay wiilkiisa inuu u dhaqaaqo Premier League isla markaana uu ku biiro Manchester City.
Ilaix Moriba ayaa iibsaday tikidh diyaaradeed sanadkii 2019 si uu ugu dhaqaaqo kooxda Manchester City oo iyadu uun heshiiska qortay, laakiin aabaha dhalay laacibka ayaa kansalay tikidhka diyaaradda.
Ilaix Moriba wuxuu ka mid noqday kooxdii ugu horeysay ee Barcelona wuxuuna dhaliyay goolkiisii ugu horeeyay kulankii ay 2-0 kaga badiyeen Osasuna 6dii Maarso.
18 jirkaan oo ka qalin jabiyay akadeemiyada kooxda Barcelona isla markaana lagu tilmaamo jiilka cusub ee kooxda ayaa sheegay in aabihiis Mamady Kourouma uu sharaxaad ka bixiyay sida uu uga hor istaagay wiilkiisa inuu u duulo Manchester: “Waxaan wadahadalo kula jirnay Barcelona oo ku saabsan a heshiis … waa shaqadii ugu horeysay ee aan miro dhalin, laakiin waxaan la kulanay agaasimaha isboortiga Manchester City Txiki Begiristain oo noo sharaxay mashruuciisa.
“Waan ka helnay maxaa yeelay wax badan ayey raadinayeen. Todobaadyo kadib waxaan helnay tikidh aan ugu safrayno magaalada Manchester oo aan qandaraas ugu saxiixo. Laakiin waan baajiyay subaxdii aan duuli lahayn. Waxaan doonayay Ilaix inuu noqdo tusaale iyo halbeeg. jiilka cusub ee Barca.
Waa kuma Ilaix Moriba?
Ilaix Moriba ayaa kooxda Barcelona ku soo biiray sanadkii 2010 isaga oo kaga soo biiray kooxda Espanyol. Wuxuu u ciyaaray Barca B da 17 jir wuxuuna isla markiiba is barbardhigay Paul Pogba xaga xoog, farsamada iyo aragtida.
Waxay sidoo kale barbar dhigeen halyeeyga reer Ivory Coast Yaya Toure laba horyaal oo kala ah Manchester City iyo Barcelona, halkaas oo uu waqti qurux badan kula soo qaatay.
