Madaxweyne Bola Tinubu ayaa faray hay’adaha amniga inay baadi-goobaan afduubayaasha hubaysan ee ka dambeeyay weerarradii lagu qaaday afar tuulo oo ku yaalla Gobolka Niger, halkaas oo in ka badan 40 qof lagu dilay, tiro aan weli la xaqiijinna la afduubtay. Mas’uuliyiinta maxalliga ah ayaa sheegay in tirada dadka la kaxaystay ay gaadhi karto ilaa 500.
Muuqaal ay faafiyeen afduubayaashu ayaa u ekaa mid muujinaya dhowr maxbuus oo nool oo ku sugan kayn dhexdeeda. Dadkii ka badbaaday ayaa u qaxay gobollada deriska ah iyo Benin, halka kuwo kalena lagu daweynayo dhaawacyadii ka soo gaadhay weerarrada.
- Advertisement -
Weerarradan waxa sidoo kale lagu adeegsaday walxaha qarxa ee gacanta lagu sameeyo, taas oo sii xoojisay amni-darrada isa soo taraysa ee ka jirta guud ahaan gobolka, isla markaana kordhisay cabsida laga qabo in kooxaha jihaad-doonka ahi ballaadhinayaan joogitaankooda deegaannada xuduudaha waqooyi-galbeed ee Nayjeeriya.
