Al-Shabaab ayaa sheegatay in weerar Jidgal ah ay ku qaaday kolonyo gaadiid dagaal ah oo ay wateen Ciidamada Dowladda Federaalka, isla markaana mararay wadada isku xirta Basra & Balcad.
Kolonyada Ciidamada ayaa mareysay inta u dhaxeysa Basra & Balcad, waxaana Al-Shabaab sheegatay in ay gubtay mid kamid ah Gawaarida ciidanka gaar ahaan nuuca Soomaalidu u taqaan Cabdi Bilaha.
- Advertisement -
Dhimasho & Dhaawac oo aysan tiro rasmi ah sheegin Xarakadu ayay sheegtay in weerarkooda ku geysatay, waxaase ujeedka weerarka ku sifeysay in ay uga jawaabeysay dhaq-dhaqaaqyo ciidanka DFS iyo AMISOM ay ka wadaan Gobolka Shabeelaha Dhexe.
Ilaa haatan Dowladda Federaalka kama aysan hadlin sheegashada Al-Shabaab ee ah in ay weerar jidgal ah ku qaaday gaari ciidan oo mararay inta u dhaxeysa Deegaanka Basra & Degmada Balcad.
Militariga Soomaaliya ayaa saacadihii lasoo dhaafay dhaq-dhaqaaqyo ciidan ka bilaabay wadada isku xirta Degmooyinka Balcad iyo Afgooye oo ka kala tirsan Dowlad Goboleedyada Hir-Shabeelle & Koofur Galbeed.
Maamulka Hir-Shabeelle ayaa inta u dhaxeysa labada Shabeelle u arka in weerarada Al-Shabaab ee Gobolka Shabeelaha Dhexe kasoo abaabusho deegaannada ka xiga dhanka Shabeelaha Hoose.
Axadle
