Kooxaha Liverpool iyo Arsenal ayaa caawa isku arkaya garoonka Anfield maalmo ka dib markii ay isku arkeen horyaalka Premier League iyadoo Reds ay kulankaas dardartay Gunners.
Kulankooda caawa waa wareega 16ka ee koobka Carabao Cup iyadoo kooxdii badisa ay u soo gudbi doonto wareega 8da.
Tababaraha Liverpool ayaa isbedelo badan ku sameeyay shaxdiisa isagoo soo safay inta badan ciyaartoydiisa keydka iyadoo ay ka dhex muuqdaan kaliya Mohamed Salah, Van Dijk iyo James Milner.
Booska goolhayaha waxaa ku soo bilowday Adrian iyadoo daafaca ay ka ciyaarayaan labo Williams oo uu ku wehliyo Van Dijk halka Milner uu ka dheelayo garab daafac.
Khadka dhexe waxaa isagu yimid xiddigaha aan khibrad laheyd ee Grujic, Jones iyo Wilson. Dhanka weerarka Waxaa lagu soo bilaabay markii ugu horeysay saxiixa cusub Diogo Jota oo ay wehliyaan Minamino iyo Mohamed Salah.
Tababare Arteta ayaa isna ku soo bilaabay saxiixii cusub Gabriel oo ka ciyaaraya booska daafaca dhexe isaga iyo Gabriel halka Cedric uu ka soo muuqday shaxda iyadoo Leno uu yahay goolhayaha.
Pepe ayaa fursad la siiyay caawa ka dib markii keyd la geliyay kulamadii Premier League halka Ceballos isna lagu soo bilaabay khadka dhexe.
Liverpool XI: Adrian, N Williams, R Williams, Van Dijk, Milner; Grujic, Jones, Wilson; Minamino, Mohamed Salah, Diogo Jota.
Keyd: Kelleher, Fabinho, Wijnaldum, Gomez, Robertson, Origi, Elliot
Arsenal XI: Leno; Cedric, Holding, Gabriel, Kolasinac; Ceballos, Xhaka, Willock; Pepe, Nketiah, Saka
Keyd: Runnarson, David Luiz, Tierney, Elneny, Maitland-Niles, Lacazette, Nelson
