Liberia waxay isu diyaarinaysaa inay qaabisho 1,200 qof oo laga soo wareejinayo Mareykanka iyadoo loo marayo heshiis masaafurin waddan saddexaad ah, sida uu sheegay Wasiirka Warfaafinta Jerolinmek Piah. Dadkan ayaa ah muwaadiniin ka kala socda dalal kale oo Afrikaan ah iyo kuwo Reer Galbeed ah, waxaana la filayaa in kooxdii ugu horreysay oo ka kooban 20 qof ay timaaddo Khamiista, Agoosto 20.
Qoraal uu soo saaray, Piah wuxuu sheegay in qorshahani uu daba socdo is-weydaarsi qoraallo ah oo ay Liberia iyo Mareykanku saxiixeen sannadkii hore. Wuxuu carrabka ku adkeeyay in dadka loo dirayo Liberia aysan ahayn dambiilayaal isla markaana aysan wajahayn dacwad ciqaabeed sida waafaqsan sharciga Mareykanka ama kan Liberia.
- Advertisement -
“Dowladdu waxay dooneysaa inay adkeyso in kuwa la keenayo Liberia aysan ahayn dambiilayaal islamarkaana aan loo haynin dacwad nooc kasta leh sida waafaqsan sharciga Mareykanka ama kan Liberia,” ayaa lagu yiri bayaanka.
Heshiiskan ayaa ka mid ah heshiisyada masaafurinta waddan saddexaad ee ugu waaweyn ee uu dhammaystiray Mareykanku, xilli maamulka Madaxweyne Donald Trump uu xoojinayo ololihiisa ka dhanka ah tahriibka sharci-darrada ah.
