Raiisal wasaaraha Israel Benjamin Netanyahu ayaa axadii u hambalyeeyay madaxweynaha la doortay ee Mareykanka Joe Biden ka dib doorashadiisii isagoo sheegay inuu rajeynayo wada shaqeyn ay la yeeshaan maamulka cusub iyo sii xoojinta isbahaysiga labada dal.
Hambalyo @JoeBiden iyo @KamalaHarris. Joe, waxaan leenahay xiriir shaqsiyadeed oo dheer & muddo ku dhow 40 sano, waana ku aqaanaa inaad tahay saaxiib weyn oo reer Israel ah. Waxaan rajeynayaa inaan labadiinaba la shaqeeyo si aan u sii xoojiyo waxyaabaha u gaarka ah isbahaysiga Mareykanka iyo Israa’iil, ”ayuu Netanyahu ku sheegay bartiisa Twitter-ka, oo weli sawirkiisa iyo madaxweynaha Mareykanka ee hadda xilka haya Donald Trump madaxa ku haya.
Waxaa kale oo uu yirii “Waad ku mahadsan tahay @realDonaldTrump saaxiibtinimada aad muujisay aniga iyo Israel shaqsiyan, inaad aqoonsatay Qudus iyo Golan, inaad u istaagtay Iran, heshiisyadii taariikhiga ahaa ee nabadeed iyo inaad isbaheysiga Mareykanka iyo Israel gaarsiisay meel sare oo aan horay loo arag. Netanyahu ayaa bartiisa Twitter-ka soo dhigay.
Fariinta Netanyahu ayaa timid saacado kadib markii hogaamiyayaal badan oo adduunka ah iyo qaar kamid ah wasiirada Israel ay u hambalyeeyeen Dimoqraadiga Biden, xitaa iyadoo Trump uu diiday inuu qirto oo uu horey u sii wado dagaalka sharci ahaneed ee ka dhanka ah natiijada.
Xiriirka garabka midig ee Netanyahu gaar ahaan xiriirka dhow ee uu la leeyahay Trump wuxuu daba socdey xiriir aan wanaagsaneyn oo uu la yeeshay madaxweynihii isaga ka horeeyay ee Barack Obama, kaas oo dadka dhaleeceeya qaarkood ay ku sheegeen inuu kala fogeeyay Dimuqraadiyiinta isla markaana uu wax u dhimay taageerada labada xisbi ee Mareykanka ee Israel.
Qilaafka udhaxeeya Netanyahu iyo maamulka cusub ayaa imaan kara marka loo eego balanqaadkii Biden ee ahaa soo celinta ku lug lahaanshaha Mareykanka ee heshiiskii Nukliyeerka Iran iyo sida muuqata aqalka cad ayaa diidan in Israel ay degto dhulka la haysto ee Falastiiniyiinta ay ka raadsadaan dowlad.
Isaga oo xarkaha kula jira Trump afartii sano ee la soo dhaafay, Netanyahu wuxuu wajihi karaa karbaash siyaasadeed – in kasta oo ay dib u dhigi karto baahida maamulka Biden ee ah inuu marka hore wax ka qabto dhibaatada COVID-19 iyo dhaqaale xumada Mareykanka soo wajahay.
Soo turjume Ali Musa
alimusa@axadletimes.com
Axadle media Group
