Muqdisho (Axadle) – Magaalada Muqdisho ee Axadle Soomaaliya waxaa maanta soo gaaray wafdi sare ee oo ka socda dalka Ireland, waxaana garoonka weyn ee diyaaradaha Aadan Cadde kusoo dhoweeyey mas’uuliyiin ka tirsan dowladda Soomaaliya.
- Advertisement -
Wafdigan ayaa waxaa horkacayey wasiirka difaaca Ireland Simon Coveney TD, waxaana garoonka ugu hortegay dhiggiisa Soomaaliya, Xasan Xuseen Xaaji oo uu welhiyo wasiirka arrimaha dibedda xukuumadda federaalka ah ee Soomaaliya Maxamed Cabdirisaaq.
Sidoo kale waxaa soo dhoweynta wafdigan qeyb ka ahaa agaasimaha guud ee Wasaaradda Gaashaandhigga, Xasan Maxamed Saciid Samatar iyo saraakiil ka tirsan ciidanka Xoogga.
Intaasi kadib ayaa xubnahana waxa ay si wadajir ah salaan ugu qaateen cutubyo ka tirsa Ciidanka xoogga dalka oo u garaacay astamaha labada dowladood.
Booqashadan ayaa aheyd mid aan horey soo sii shaacin, waxaana wasiirka difaaca Ireland Simon Coveney TD inta uu joogo Muqdisho kulamo la qaadan doonaa madaxda dowladda.
Ireland dowladaha waa weyn ee taageera Soomaaliya, waxaana sidoo kale ka fulisaa mashaariicyo kala duwan waxtar u leh dalka iyo guud ahaan dadka Soomaaliyeed.
