Duqa Magaalada New York Zohran Mamdani ayaa dowladda Mareykanka ugu baaqay inay xirto Ra’iisul Wasaaraha Israa’iil Benjamin Netanyahu.
Mamdani ayaa baaqan ku jeediyay muuqaal la sii daayay shalay.
Maxkamadda Dambiyada Caalamiga ah, oo fadhigeedu yahay magaalada The Hague, ayaa 2024 soo saartay amar lagu soo xirayo Netanyahu, kaas oo la xiriira dambiyo dagaal oo la sheegay in la geystay intii uu socday dagaalka Gaza.
Israa’iil waxay beenisay inay geysatay dambiyo dagaal, waxayna diidday awoodda sharci ee maxkamadda.
Mamdani wuxuu qiray in maamulkiisu uusan lahayn awoodda sharci ee uu ku fulin karo amarka ama xabsiga ugu taxaabi karo Mr Netanyahu.
“Hase yeeshee, dowladda federaalku awooddaas way leedahay, waxaana ugu baaqayaa inay ku biirto ICC oo ay fuliso amarkan,” ayuu yiri.
Madaxweyne Donald Trump ayaa sheegay inaan Mr Netanyahu la xiri doonin marka uu booqdo Mareykanka. Hoggaamiyaha Israa’iil ayaa caadiyan bisha Sebtembar ee sannad kasta u safra New York si uu uga qaybgalo kulanka sannadlaha ah ee hoggaamiyeyaasha dunida ee Golaha Guud ee Qaramada Midoobay.
