Tababaraha kooxda Manchester City ee Mikel Arteta ayaa shaaca ka qaaday wixii uu ka qariyay xiddigaha kooxdiisa kahor kulankii ay xalay guusha muhiimka ah kasoo gaadheen Manchester United oo ay Old Trafford ku booqdeen.
Arsenal ayaa guusha ku gaadhay gool rigoore ah oo uu daqiiqadii 69-aad gool u bedelay Pierre Emerick Aubameyang kaddib qalad uu Paul Pogba ku galay Hector Bellerin.
Guushaas ayaa ahayd midii ugu horreysay ee ay Arsenal tan iyo sanadkii 2006 kasoo gaadhay Man United oo ay booqatay iyo guusheedii koowaad ee ay marti kusoo badisay iyadoo u tagtay mid kamida lixda kooxood ee waaweyn ee Premier League tan iyo 2015.
Haddaba, Mikel Arteta oo kulanka kaddib saxaafada la hadlay ayaa sheegay in sirta uu qariyay ay ahayd inuusan xiddigihiisa u sheegin oo uusan xasuusin in OT uu yahay garoon ku xun rekoodh ahaan oo aysan 14 sano guul ku gaadhin.
Mikel ayaa sheegay inuu kaliya isku dayay inuu aaminsiiyo xiddigihiisa waxa ay u socdaan iyo inay garoonka ku dhex muujiyaan cida ay yihiin.
Macalinka ree Spain ayaa yidhi “Anigu maan doonayn inaan u sheego ciyaartoyda in aanaan halkan ku guuleysan 14 sano, waxaan filay inay sidaasi haboon tahay, waan ka aamusay”
“Kaliya waxaan isku dayay inaan aaminaad keeno waxaanan kaliya dalbaday inaanu cida aanu nahay uun halkan ku noqono, garoon kasta, waxaan filayaa inaad caawa (Xalay) aragteen halka aanu ka bilaabayno aniguna waan u han weynahay”
