RASMI: Guuleystaha Abaalmarinta Xiddigii Ugu Fiicnaa Xilli
Da’yarka kooxda Chelsea ee Mason Mount ayaa ku guuleystay abaalmarinta xiddiga sanadka ee kooxdiisa kaddib xilli ciyaareed qurxoon oo uu soo qaatay.
Mason ayaa ahaa mid qaab fiican uga hoos ciyaaray Frank Lampard iyo Thomas Tuchel labadaba isaga oo ah ciyaaryahanka daqiiqadaha ugu badan u ciyaaray Blues tartamada oo dhan.
Sidoo kale natiijada weerarka ee Mount ayaa ahayd mid wanaagsan xilli ciyaareedkan isaga oo 9 gool iyo 7 caawimo kasoo sameeyay tartamada oo dhan, waa xiddiga labaad ee ugu goolasha badan kooxda kaddib Timo Werner.
Haddii ay Chelsea ku ciyaarayso shaxda 4-3-3 amaba 3-4-3 ayuu Mount ahaa mid si isku mid ah bandhig fiican ugu samaynayay khadka dhexe iyo safka weerarka labadaba.
Guuleystayaasha Tobbankii Sano Ee Ugu Dambeeyay Ee Abaalmarinta Xiddiga Sanadka Chelsea
Petr Cech
Juan Mata
Juan Mata
Eden Hazard
Eden Hazard
Willian
Eden Hazard
N’Golo Kante
Eden Hazard
Mateo Kovacic
Mason Mount