Xulka Germnay ayaa guul weyn ku bilowday tartanka Euro 2024 iyaga oo xasuuqay xulka Scotland kulan ka tirsanaa Group-ka A.
Xulka Germany ayaa 5/1 kaga badiyay xulka Scotland kulan xiiso lahaa oo ka tirsan euro 2024.
Kadib guusha xulka qaranka Germany ayaa isku qoray taariikhda tartanka.
1.Guushii Germany ay 5-1 kaga badisay Scotland waa guushii ugu weyneyd ee abid ay gaaraan xulka martigelinaya koobka Qaramada Yurub, waxayna sidoo kale ka dhigan tahay guushii ugu weyneyd ee xul gaadho Furitaanka Euro.
2.Germany ayaa sidoo kale noqday xulkii ugu horeeyay taariikhda tartanka qaramada Yurub ee ku guulaysta furitaanka tartankan sideed jeer; ma jiro xul badiyay wax ka badan kulan furitaanka tartanka.
3.Die Mannschaft ayaa saddex jeer shabaqa soo taabtay qeybtii hore ee ciyaarta kulankii Scotland, isagoo sidaas sameeyay markii ugu horeysay daqiiqadii 45aad ee furitaanka ciyaaraha qaramada Yurub.
4.Isaga oo jira kaliya 21 iyo 42 maalmood, xiddiga Bayer Leverkusen ee Florian Wirtz ayaa noqday ciyaaryahankii ugu da’da yaraa ee gool u dhaliya Jarmalka koobka Qaramada Yurub.
5.Wirtz waa ciyaaryahankii seddexaad ee Jarmal ah oo dhaliyay goolkii furitaanka tartanka Euro ka dib halyeygii qaranka Gerd Muller 1972 iyo Karl-Heinz Rummenigge 1980kii.
6.Goolhaye Manuel Neuer ayaa saftay kulankiisii 35-aad ee tartan caalami ah (Euro iyo World Cups)waana ciyaaryahanka ugu badan ee Jarmal ah. 38-sano jirkaan ayaa dhaafiyay saaxiibkiisii hore ee Bayern Phillip Lahm (34).
