Guushii ay Liverpool ka gaadhay RB Leipzig bartamihii isbuuca ayaa u ogolaatay iyaga inay u gudbaan wareega 8 dhamaadka Champions League, laakiin hadii ay u soo baxaan Premier League xilli ciyaareedka soo socda, waa inay ka badiyaan Wolves caawa si ay xilli ciyaareedka u soo gabagabeeyaan.
Diogo Jota ayaa ku soo laabtay taam ahaanshihiisa wuxuuna rajeynayaa inuu saameyn ku yeesho ku soo laabashadiisii hore ee Molineux halkaas oo looga jecel yahay.
Bedelka Yeyga Pedro Neto ayaa muhiim u noqon doona Wolves haddii ay doonayaan inay dhibco ka helaan kulanka Reds.
Kulanka: Wolves vs Liverpool
Garoonka: Molineux
Waqtiga: 23:00 Saacada Geeska Afrika
Xilli ciyaareedkii hore: Wolves 1-2 Liverpool
Garsoore: Craig Pawson
SHAXDA RASMIGA:
Yeey (3-4-3): Rui Patricio; Dendoncker, Coady, Saiss; Semedo, Moutinho, Neves, Jonny; Traore, Willian Jose, Neto
Liverpool (4-3-3): Alisson; Robertson, Kabak, Phillips, Alexander-Arnold; Wijnaldum, Fabinho, Thiago; Mane, Jota, Saalax
MA OGTAHAY
Kulankan ayaa ah kii 100-aad ee horyaalka ee u dhexeeya Liverpool iyo Wolves, halkaasoo Reds ay badisay 52 halka Wolves ay badisay 30.
Wolves ayaa laga badiyay sideed kulan oo isku xigta oo horyaalka ah oo ay la ciyaareen Liverpool, kooxda kaliya ee sagaal kulan oo isku xigta badisay waa Manchester City intii u dhaxeysay 1902 ilaa 1933.
Guushii kaliya ee ay ka gaadheen Liverpool 13 kulan oo Premier League ah waxay ahayd bishii Diseembar 2010. 13-kaas kulan, Wolves ayaa dhalisay kaliya 4 gool.
Si kastaba ha noqotee, Wolves ayaa garaacday kooxda Jurgen Klopp labo jeer koobka FA Cup ee ka dhacay Anfield bishii Janaayo 2017 iyo Molineux labo sano ka dib.
