Ciyaaryahanka khadka dhexe ee Aston Villa Jack Grealish ayaa magacaabay afar ciyaaryahan oo England ah oo u ciyaari kara koox kasta oo adduunka ka socota ama xul kasta.
265-sano jirkaan oo seegay isbuucaan Aston Villas barbarihii 1-1 ay la galeen Newcastle dhaawac muruqa ah, ayaa isku diyaarinaya inuu ku biiro xulka England ee ka qeyb galaya Koobka Qaramada Yurub ee 2020, kaasoo uu sanadkii hore u hakiyay xanuunkii Korona. waa la wadaagaa.
Tartanka ayaa loo qorsheeyay bilaha Juun iyo Luulyo wuxuuna Jack Grealish rajaynayaa inuu noqdo sirta guusha Gareth Southgate.
Ciyaaryahanka oo wareysi siiyay BBC Sports ayaa ka hadlay xiddigaha dalkiisa uu u dagaalami doono ku guuleysiga koobka, iyadoo afar ciyaartooy uu si gaar ah u sheegay inay awood u leeyihiin inay la tartamaan koox kasta oo adduunka ah.
Markii la weydiiyay hadii England ay ku guuleysan karto Euro 2020, wuxuu yiri: “Haa, waxaan heysanaa ciyaartoy badan oo wanaagsan sannadkan, gaar ahaan weerarada.
“Waxaan ula jeedaa, fiiri Harry Kane, Marcus Rashford, Raheem Sterling iyo Jadon Sancho. Waxaan u maleynayaa in afartan ciyaartooy ay u ciyaari karaan koox kasta oo adduunka ah ama xitaa xul qaran.”
Jack Grealish ayaa kooxdiisa u ciyaaray 22 kulan oo premier League xilli ciyaareedkan isaga oo dhaliyay 6 gool halka uu ka tagay 12 kale oo caawiye ah.
