Ugu yaraan seddex askari ayaa la xaqiijiyay in ay ku dhinteen dhowr kalena ay ku dhaawacmeen qarax miino oo ka dhacay degmada Yaaqshiid ee gobolka Banaadir, sida ay Axadle u sheegeen saraakiisha amniga Soomaaliya.
Qaraxa ayaa lala eegtay gaari uu la socday guddoomiye ku xigeenka arrimaha bulshada ee degmada Yaaqshiid ee gobolka Banaadir, Cabdullaahi Shilow.
Qaraxa oo laga maqlay qeybo ka mid ah caasimada ayaa ka dhacay agagaarka Hotel Guuleed.
Waa qaraxii labaad oo noociisa ah oo ay Al-Shabaab maanta ka geystaan magaalada Muqdisho. Hal qof ayaa ku dhintay saddex kalena waa ay ku dhaawacmeen qarax ka dhacay xaafadda Qoob-dooro ee degmada Kaaraan ee magaalada Muqdisho.
Qaraxa ayaa dhacay duhurnimadii gaari uu ka buuxay Coronavirus. Qofka dhintay ayaa ahaa wadihii gaariga, halka saddexda qof ee dhaawacmayna ay ahaayeen ilaaladii.
Ma jirto ilaa iyo hadda koox sheegatay mas’uuliyadda weerarka. Si kastaba ha noqotee, dhacdooyinkan ayaa looga bartay kooxda mucaaradka.
