Magaalada Jowhar waxaa ka socda diyaargarowga isdiiwaangelinta musharixiinta ku hamineysa qabashada Guddoomiyaha & labadiisa ku xigeen ee Baarlamaanka DG Hir-Shabeelle, kadib markii la shaaciyay waqtiga doorashada ay dhaceyso.
Araaji qabashada musharixiinta ayaa maanta si toos ah u bilaabaneysa, waxaana saacadihii lasoo dhaafay Xarunta Hir-Shabeelle ka dhacay kulamo kala duwan oo ay qabsadeen qaar kamid ah xubnaha xil-doonka ah.
Guddiga doorashada ee uu magacaabay Guddoomiyaha KMG ah Baarlamaanka Labaad Hir-Shabeelle ayaa shaaciyay in Arbacada oo ah 4-ta Nofeember 2020 ay dhaceyso Doorashada Guddoonka Baarlamaanka.
Musharixiinta ayaa berri oo Talaado ah 03.11.2020 hadal jeedin u hortagaya Baarlamaanka labaad ee DG Hir-Shabeelle si ay ugu bandhigaan qorshe siyaasadeedka musharax waliba uu u arko in codka Xildhibaannada uu ku heli karo.
Ammaanka Magaalada Jowhar ayaa la adkeeyay, waxaana heegan la geliyay Ciidamada Daraawiishta DG Hir-Shabeelle, Askarta DFS ay geysay Magaaladaas & kuwa AMISOM ee xiran Koofida Nabad ilaalinta Midowga Afrika.
Hirshabeelle:-Adi lee dubo adi lee daangayso!
Sheekh Shariif maku biiray safka Nabad & Nolol ee doorashadda Hirshabeelle?
Axadle
