Pep Guardiola ayaa su’aal galiyay go’aanka garsooraha ee afar daqiiqo loogu daray barbarihii Manchester City ay la gashay West Brom, kaasoo uu u maleynayay inuu u qalmo waqtiga dheeriga ah.
Xiddiga reer Spain ayaa la arkaayay isagoo la doodaya garsooraha afaraad ee ciyaarta, Anthony Taylor, kaasoo xitaa qabtay dhanka birta si uu ugu dhawaaqo waqtiga dheeriga ah wuxuuna umuuqday inuu dawarsanayay markii ay ciyaartu noqotay 1-1.
Manchester City ayaa samaysay orod cajiib ah wakhtigii dhimashada iyada oo Ilkay Gundogan iyo Raheem Sterling ay ku dhawaadeen in ay goolal dhaliyaan, laakiin goolhaye Sam Johnstone ayaa diiday in ay kooxdiisu guuldaro la kulanto wuxuuna u badalay libaax.
Pep Guardiola ayaa qirtay ciyaarta kadib in kooxdiisu ay ku dhibtootay inay shabaqa soo taabato wuxuuna carabka ku adkeeyay inay u baahan yihiin inay horumariyaan goolhayahooda iyagoo barbaro labaad ka galay Premier League.
Kaamirooyinka ayaa qabtay Guardiola oo la murmaya garsoore Taylor, kaasoo xitaa la qabtay waqtigiisa, waxaana Guardiola la weydiiyay ciyaarta ka dib: “Wax dhibaato ah ma jirin. Waxaan u sheegay in feker ahaanteyda aysan ku filneyn in afar daqiiqo lagu daro ciyaarta.
“Waxaan u maleynayaa in Gabriel uu seexday qiyaastii seddex daqiiqo, waxaa jiray lix bedel oo goolhayaha ayaa qaatay 30 ilbiriqsi markasta oo uu kubbada laado, marka waan la hadlay isaga (garsooraha), laakiin isagu go’aanka ayuu lahaa, taasna waa iska caadi. ugu dambeyntiina waxaan fursad u helnay inaan guuleysano laakiin ma aanan dhalin. ”
