Antonio Guterres wuxuu dalbanayaa in si deg deg ah loo joojiyo rabshadaha ka socda Soomaaliya
Muqdisho (Axadle) Xoghayaha guud ee qaramada midoobay Antonio Guterres ayaa soo saaray bayaan uu kaga hadlayo xaalada dalka soomaaliya gaar ahaan ismariwaaga ka dhashay doorashadii dalka ka dhacday 2021.
Antonio Guterres ayaa daaha ka rogay markii ugu horeysay shalay inuu soo dhaweynayo talaabooyinka ay qaadeen xildhibaanada baarlamaanka Soomaaliya oo ay ku go’aansadeen inay taageeraan heshiiska 17-kii Sebtember si looga saaro culeyska ka jira kordhinta aaladda.
Afhayeen u hadlay xoghayaha guud ee Qaramada Midoobay ayaa sidoo kale sheegay in Antonio Guterres uu ugu yeeray dhinacyada Soomaalida inay ka wada shaqeeyaan xasiloonida dalka iyo in dib loogu laabto wadahadaladii doorashada.
Xoghayaha ayaa sidoo kale sheegay in qaadashada go’aankan ay tahay mid quseysa amniga iyo xasiloonida Soomaaliya, si looga fogaado rabshado hor leh oo ka dhaca dalka.
Hadalkan ayaa imanaya iyadoo xildhibaanadu mar kale u codeeyeen in laga noqdo muddo kordhinta labada sano ah ee loo kordhiyay madaxweynaha waqtigiisu dhamaaday iyo in heshiiska la buriyo 17-kii September.
Sikastaba, Soomaaliya ayaa maalmihii lasoo dhaafay ku jirtay xiisad colaadeed kadib markii ay Muqdisho ku dagaallameen mucaaradka iyo dowladda.
