Muqdisho (Axadle) –Bayaan ka soo baxay Midowga Yurub ayaa lagu sheegay in muddo kordhinta loo sameeyay baarlamaanka waqtigiisu dhamaaday ee shalay ay wiiqday tageeraddi Midowga Yurub iyo beesha caalamka oo ee dib udhiska Soomaaliya taas oo ku saleysneyd is afgarad.
Golaha shacabka ee baarlamaanka Soomaaliya ayaa shalay u codeeyay in labo sano loogu daro xilka madaxweynaha iyo baarlamaanka federaalka kadib markii ismari waa uu ku yimid hanaanka doorashada, kaasoo ku ekaa 8-da bisha Febaraayo ee sanadka 2021-ka. Tallaabadani waxay wiiqeysaa dadaallada Yurub. Midowga iyo Beesha Caalamka, si dib loogu dhiso Soomaaliya, iyadoo la isku raacsan yahay, ”ayaa lagu yiri bayaanka Midowga Yurub.
Bayaanka ayaa intaas ku daray: “Beesha Caalamka oo ay ku jiraan Midowga Yurub, waxay si isdaba joog ah u sheegeen in aan la aqbali karin in la kordhiyo muddada xafiiska iyadoo aan ogolaansho laga helin dhinacyada doorashooyinka ee dhacaya 17ka Sebtember.”
“Midowga Yurub (EU) waxaa ka go’an inay hubiso in qaraarada ay soo saareen Golaha shacabka aysan u adeegeynin danaha shacabka Soomaaliyeed” ayaa lagu yiri qoraalka.
Midowga Yurub wuxuu rumaysan yahay in ansaxinta iyo saxiixa qaraarkan ay kala qaybin doonaan Soomaaliya, sababi doonaan dib u dhac hor leh isla markaana khatar weyn ku ah nabada iyo xasiloonida Soomaaliya iyo wadamada deriska la ah.
“Waxaan codsaneynaa in si deg deg ah dib loogu bilaabo wadahadaladii ku saabsanaa qabashada doorashooyinka dib u dhac la’aan, iyadoo lagu saleynayo heshiiskii Sebtember 17,” ayaa lagu yiri warka.
Ugu dambeyntiina, Midowga Yurub wuxuu ku hanjabay in haddii talooyinkaas aan la qaadan, ay ka fiirsan doonaan “tallaabooyin dheeri ah oo la taaban karo”.
