Xoghayaha Guud ee Qaramada Midoobay Antonio Guterres .
Xoghayaha Guud ee Qaramada Midoobay Antonio Guterres ayaa ku baaqay in xal degdeg ah laga gaaro xiisadda ka dhex aloosan Raysul Wasaaraha Itoobiya Abiy Ahmed & Ismaamulka Tigreega.
Guterres ayaa sheegay in aan laga maarmin miiska wada hadalka sidaas awgeed labada dhinac laga doonayo in wada-xaajood dhab ah ay bilaabaan si looga baaqsado gacan-qaad dhexmara labada dhan.
“Waxaan aad uga walaacsanahay xaalada Gobolka Tigray ee Itoobiya. Deganaanshaha Itoobiya waxa uu muhiim u yahay dhammaan Geeska Afrika. Waxa aan ku baaqayaa in si degdeg ah loo dejiyo xiisadda, xal nabadeedna laga gaaro khilaafka” Sidaasi waxaa yiri Xoghayaha guud ee QM oo qoraalkaan soo dhigay Bartiisa Twitter-ka.
I’m deeply alarmed over the situation in the Tigray region of Ethiopia.
The stability of Ethiopia is important for the entire Horn of Africa region.
I call for an immediate de-escalation of tensions and a peaceful resolution to the dispute.https://t.co/nWtI2JtGlu
— António Guterres (@antonioguterres) November 5, 2020
Qaar kamid ah Warbaahinta Caalamka ayaa tebisay in Itoobiya Ciidamo ka joogay Soomaaliya oo aan kamid ahayn Howlgalka AMISOM dib ugu celisay dalkeeda, kuwaas oo saacadihii lasoo dhaafay ka gudbay xadka labada dal.
Raysul wasaaraha Itoobiya ayaa adeegsanaya awood military, waxaana uu diyaariyay Ciidamada Xoogga dalkaas si ay u qaadaan tallaabo ka dhan ah Ismaamulka Tigreega oo kasoo gudbay diilinta cas.
Abiy Ahmed oo sanadkii 2019 la siiyay Abaalmarinta Nobel Peace Prize ayaa looga digay in uu faraha dhiig la galo, isla markaana uu sabab u noqdo dagaal sokeeyo oo ka bilawday dalkaan Itoobiya oo ay kunool yihiin 109.2 Milyan oo ruux sida ku cad daraasad la sameeyay 2018.
Axadle.
