Sawir hore
Deegaanka Bulacle ee Gobolka Galgaduud waxaa ka socda dagaal u dhaxeeya Ciidamada DFS & Al-Shabaab oo saacadihii lasoo dhaafay dhaq-dhaqaaq ciidan kawaday deegaankaas Galmudug katirsan.
Goobjoogayaal la hadlay Axadle ayaa sheegay in ay maqlayaan jugta hubka culus, kuwa Gaadiidka Dagaalka & Qoryaha fud-fudud, inkasta oo aysan xaqiijin waxyeelo ka dhalatay dagaalka.
Tuulooyinka u dhaw Deegaanka Bulacle waxaa ka barakacay qoysaska degen si ay uga nabad galaan rasaasta ay isku adeegsanayaan dhinacyada dagaalamaya sida goobjoogayaal Axadle ay u sheegeen.
Ciidamada DFS ayaa howlgal & Dhaq-dhaqaaqyo ciidan kawada deegaanno katirsan Gobolka Galgaduud, mas’uuliyiinta Galmudug ayaa sheegay in uu bilawday howlgal ka dhan meelaha ay ku sugan yihiin Al-Shabaab.
DFS & Al-Shabaab ilaa haatan kama aysan hadlin dagaalkaan, waxaana jira Khasaare dhimasho & dhaawac oo kala gaaray dhinacyadaan, balse lama hayo tirada rasmi ah, maadaama dagaalka uu wali socdo.
La soco wixii warar kasoo kordha.
Axadle.
