Hogaamiyaha Jamhuuriyadda Jabuuti, Ismaaciil Cumar Geelle, ayaa khudbad dhinacyo badan taabanaysa ka jeediyey fadhiga wadajirka ah ee Golaha Amniga ee Midowga Afrika (AU) oo looga hadlay Amniga, Siyaasadda, Dhaqaalaha, Ganacsiga & Saamaynta Covid-19.
- Advertisement -
Geelle wuxuu sheegay in qaarada Afrika ay u baahan tahay inay xal u hesho dhibaatooyinka mudada dheer soo jiray iyo kuwa cusub, helitaankoodana ay aasaas u tahay isbadalka qaaradda ee mustaqbal ifaya.
Hogaamiyaha Jabuuti, Ismaaciil Cumar Geelle ayaa sheegay in amniga iyo nabadda Afrika ay u baahan tahay midnimada dadka qaaradda, maadaama iskaashigooda, wadatashigooda iyo midnimadooda lagu gaari karo iyadoo laga gudbo caqabadaha.
Caqabado badan oo ka jira Afrika waa kuwo hore iyo kuwo cusub, waxaa ka mid ah, maadaama hagidda horumarinta qaaradda ay muhiim u tahay in la abuuro ka hortag iyo in laga hortago, Afrika waxay hoos u dhigeysaa hubka, tahriibinta dadka, argagixisada & dhibaatooyinka kale. Sidaasi waxaa yiri Hogaamiyaha Jabuuti.
Hogaamiye Ismaaciil Cumar Geelle ayaa sheegay in dowladdiisu ay u taagan tahay gudashada waajibaadkaas, xitaa waddan looga baahan yahay inuu xaqiijiyo horumarka Afrika iyo wax ka qabashada caqabadaha jira.
Jabuuti ayaa door muhiim ah ka qaadatay dib u heshiisiinta dhinacyada ku dagaalamaya Soomaaliya tan iyo markii ay bur burtay dowladdii militariga, waxayna sidoo kale taageertay howlgalka Midowga Afrika ee AMISOM (Hiil-Walaal).
Axadle
