Jose Mourinho ayaa ku guuleystay abaalmarinta tababaraha bisha ee Premier League bishii November.
Tababaraha reer Portugal ayaa ku guulaystay abaalmarinta kadib markii uu dhamaystay guuldaro la’aan bishii hore kuna hogaamiyay kooxda Tottenham hogaanka Premier League.
“Abaalmarinta waxaa ku qoran tababaraha bisha, laakiin aniga ahaan waa kooxda bisha ama shaqaalaha bisha,” Mourinho ayaa yiri ka dib markii uu helay abaalmarinta markii afaraad waayihiisa Premier League.
Abaalmarintan waxaa iska leh ciyaartoyda, shaqaalaha tababarka, caawiyeheyga, dhaqaatiirta kooxda, xog aruuriyayaasha iyo kuwa kale oo badan. ”
Tottenham ayaa garaacday Brighton iyo West Brom 1-0 bishii November waxayna 2-0 kaga badisay Manchester City. Waxay sidoo kale ka dhigeen 0-0 Chelsea markii seddexaad afar kulan.
Tababaraha reer Portugal ayaa sheegay in guushii ay kooxdiisu ka gaadhay Manchester City ay ahayd tii ugu fiicnayd bishii November.
57 jirkaan ayaa abaalmarintaan kaga guuleystay tababaraha Chelsea Frank Lampard, tababaraha West Ham David Moyes iyo tababaraha Manchester United Ole Gunnar Solskjaer.
Bishii Sebtembar, abaalmarinta waxaa ku guuleystay tababaraha Everton Carlo Ancelotti iyo bishii Oktoobar tababaraha Wolves Nuno Espirito Santo.
