Real Madrid ayaa caawa marti u ah kooxda reer Ukraine ee Shakhtar Donetsk kulankooda shanaad ee wareega group-yada iyagoo ogsoon in guul ay gaaraan caawa ay ugu soo bixi doonaan wareega 16ka Champions League.
Kooxda Zinedine Zidane ayaa dooneysa inay ka aargudato Shakhtar oo si xun u gashay kulankii ka dhacay caasimada Spain.
Tababare Zidane ayaa shax culus ku soo shirtagay isagoo khadka dhexe soo safay Odegaard oo ka garab ciyaaraya Modric iyo Kuriis halka weerarka uu hogaaminayo Benzema oo dhaawac ka soo laabtay iyadoo ay caawinayaan Asensio iyo Rodrygo.
Eden Hazard ayaa dhaawac ku maqan halka daafaca uu ka maqan yahay Sergio Ramos iyo Dani Carvajal, booska Ramos waxaa buuxinaya Nacho oo ka garab ciyaaraya Varane halka booska Carvajal uu ka ciyaarayo Lucas Vazquez.
Shakhtar Donetsk: Trubin, Dodo, Stepanenko, Taison, Moraes, Marlos, Tete, Kovalenko, Matviienko, Vitao, Bondar
Real Madrid: Courtois; Lucas V., Varane, Nacho, Mendy; Modric, Kroos, Ødegaard; Rodrygo, Benzema y Asensio
