Massimiliano Allegri ayaa waqti la qaatay kooxda Juventus wuxuuna ku hogaamiyay horyaalka Serie A dhawr sano oo xiriir ah ka hor AC Milan oo uu ku guulaystay 9 sano ka hor inta uuna ku biirin kooxda Juventus.
Tababaraha reer Talyaani wax shaqo ah ma qaban labadii sano ee la soo dhaafay, laakiin ma uusan aheyn dalab la’aan waxaana had iyo jeer jiray codsiyo ka imaanayay kooxo kale.
Allegri wuxuu fursad u helay inuu tababare u noqdo Real Madrid ka dib bixitaankii Zinedine Zidane iyo niyad jabkii Julen Lopetegui iyo Santiago Solaris, laakiin Massimiliano Allegri ayaa diiday inuu u dhaqaaqo Spain.
Waxa kale oo uu dalabyo ka helay kooxaha Chelsea, PSG iyo Arsenal kuwaas oo dhamaantood tababar qaatay xilli la ceyriyey madaxdoodii hore isla markaana ay raadinayaan kuwo cusub.
Giovanni Galeone oo saaxiib dhaw la ah Massimiliano Allegri ayaa shaaca ka qaaday sababta uu tababaruhu u diiday kooxaha wuxuuna yidhi: “Sababta waa mid fudud. Dhibaatooyin daran ayaa ka dhex jiray qoyskiisa, wuxuuna ku qasbanaaday inuu dhaho kooxaha waaweyn.
“Maya ayuu ku dhahay Chelsea, Arsenal iyo Real Madrid. Wuxuu sidoo kale hoos u dhigay dalabka PSG.
“Wuxuu diiday Real Madrid maxaa yeelay wuxuu horey u diiday kooxo kale oo isaga ka horeeyay.
“Waxaan weydiiyay, ‘Sidee u diidi kartaa koox sidan u weyn (Real Madrid?), Oo uu ugu jawaabay si layaab leh. Wuxuu igu yiri,” Doqon ma ihi, maxaa yeelay waan diiday inaan tababare u noqdo kooxo kale. Sideen ku joogi karaa toban maalmood? ka dibna aqbal dalabka (Real Madrid). ‘
“Allegri waa shaqsi daacad ah, caqli badan isla markaana xirfad leh, hada wuxuu diyaar u yahay inuu soo laabto waxaana dooneynaa inuu maamulo koox cajiib ah”.
