Kabtanka kooxda Barcelona ee Lionel Messi ayaa dhabarka u jeediyay saaxiibkiis oo ka qayb galay abaalmarintii FIFA ee xiddiga ugu fiican adduunka ee shalay lagu qabtay magaalada Zurich, halkaas oo abaalmarino kala duwan lagu bixiyay.
Lionel Messi ayaa ka yaabsaday adduunka kadib markii uusan u codeyn saaxiibkiis kooxda kale ee la tartameysa hortooda, ugu dambeyntiina codkiisa wuxuu ka mid noqday saaxiibkiis Camp Nou oo aan gaarin meesha ugu sareysa tartanka.
FIFA ayaa shaacisay ciyaartooyda iyo tababarayaasha ay ka dhaceen kabtanada, tababarayaasha iyo wariyaasha, iyadoo si gaar ah diirada u saartay Cristiano Ronaldo, Robert Lewandowski iyo Lionel Messi, kuwaasoo loo magacaabay abaalmarinta FIFA World Player of the Year.
Barcelona ayaa khilaaf kala dhexeeysay Marc-Andre ter Stegen, kaasoo qaab ciyaareed fiican soo bandhigay xilli ciyaareedkii hore, laakiin Lionel Messi ayaa la soo baxay seddex kale.
Xiddiga reer Argentina ayaa shan dhibcood siiyay goolhayaha PSG Keylor Navas, seddex dhibcood wuxuu siiyay Manuel Neuer iyo hal dhibic Jan Oblak, taasoo la micno ah inuusan dooran Ter Stegen.
Dhacdadan ayaa timid iyadoo ay jiraan warar sheegaya in Lionel Messi iyo Ter Stegan ay ku dagaallamayaan qolka labiska, isla markaana hadaladooda ay aad u kala fog yihiin.
Ter Stegen kuma jiro liiska kabtanka Barcelona, iyadoo Lionel Messi uu yahay kabtanka koowaad, Gerard Pique, Sergi Roberto iyo Sergio Busquets ku xigeenadiisa.
Lionel Messi ayaa sidoo kale u codeeyay xiddiga ay isku kooxda yihiin ee Neymar iyo Kylian Mbappe ee Keylor Navas in uu noqdo xiddiga sanadka taas oo shaki galinaysa mustaqbalkiisa dhamaadka xilli ciyaareedkan.
