Kaddib markii uu Trent Alexander-Arnold heshiiska cusub saxeexay, waxa uu isbeddel ku dhacay mushaharka ciyaartoyda Liverpool, iyadoo uu 22 jirkan reer England ku biiray liiska ciyaartoyda mushaharka u qalmaya qaata.
Laacibkan ayaa hore u qaadan jiray £75,000 Gini toddobaadkii, laakiin heshiiskan cusub ee shanta sannadood ah ayaa waxa uu mushaharkiisa ka dhigayaa £100,000 Gini toddobaadkii, waxaanu sidaas ugu biirayaa liiska xiddigaha Liverpool ee mushaharkoodu meel dhexaadka yahay.
Mohamed Salah iyo Thiago Alcantara ayaa ah ciyaartoyda ugu mushaharka badan waqtigan Liverpool, waxaanu mid walba u xaadiraa toddobaadkii £200,000 Gini, halka Virgil van Dijk oo saddexaad kula jira Roberto Firmino uu xoogsado £180,000 Gini.
Reds ayaa wada-hadallo kula jirto ciyaartoydeeda waaweyn ee Van Dijk, Mohamed Salah, Sadio Mane iyo kuwo kale, waxaana la filayaa in ay saxeexaan heshiisyo cusub, iyadoo Van Dijk iyo Firmino mushaharkooda la gaadhsiin doono min £200,000 Gini toddobaadkii.
Andy Robertson oo lagu tilmaamo ciyaartoyda difaaca bidix ee ugu wanaagsan adduunka waqtigan, ayaa waxa uu yahay dalmane dhab ah, waxaanu qaataa £50,000 Gini toddobaadkii, balse wuxuu aad uga sarreeyaa Curtis Jones oo mushaharkiisa toddobaadlaha ahi yahay £7,500 Gini oo kaliya, waxaana ka sarreeya Neco Williams oo £25,000 Gini qaata.
Halkan kaga bogo mushaharka ciyaartoyda Liverpool, kaddib heshiiskii cusbaa ee Alexander-Arnold:
Curtis Jones – £7,500-toddobaadkii
Neco Williams – £25,000-toddobaadkii
Andrew Robertson – £50,000-toddobaadkii
Konstantinos Tsimikas – £60,000-toddobaadkii
Ben Davies – £60,000-toddobaadkii
Divock Origi – £60,000-toddobaadkii
Ibrahima Konate – £70,000-toddobaadkii
Joe Gomez – £75,000-toddobaadkii
Takumi Minamino – £75,000-toddobaadkii
Xherdan Shaqiri – £80,000-toddobaadkii
Diogo Jota – £90,385-toddobaadkii
Sadio Mane – £100,000-toddobaadkii
Joel Matip – £100,000-toddobaadkii
Fabinho Tavares – £100,000-toddobaadkii
Trent Alexander-Arnold- £100,000-toddobaadkii
Naby Keita – £120,000-toddobaadkii
Alex Oxlade-Chamberlain – £120,000-toddobaadkii
Jordan Henderson – £140,000-toddobaadkii
James Milner – £140,000-toddobaadkii
Alisson Becker – £150,000-toddobaadkii
Roberto Firmino – £180,000-toddobaadkii
Virgil Van Dijk – £180,000-toddobaadkii
Mohamed Salah – £200,000-toddobaadkii
Thiago Alcántara do Nascimento – £200,000-toddobaadkii
