Magaalada Gaakacyo xarunta Gobolka mudug waxaa maanta ka dhacay dibadbax ay ka qaybgaleen Culima-udiin, Arday, Waxgarad & qaybaha kala duwan ee Bulshada Magaaladaas, waxaana looga soo horjeeday madaxweynaha faransiiska Emmanuel Macron.
Isu-soobaxa ayaa ka dhacay goob saacadihii lasoo dhaafay loo diyaariyay in lagu qabto bannaanbaxa ka dhanka ah Macron oo aflagaadeeyay Muslimiinta, isla markaana taageero u muujiyay sawir gacmeed laga sameeyay Nabi Muxamed NNKH.
Waxaa la fasaxay Goobaha Waxbarashada sida Dugsiyada qur’aanka iyo iskuulada si ardaydu ay qayb uga noqdaan dadka dareenkooda muujinaya ee ka careysan falka uu sameeyay madaxweynaha faransiiska.
Qaar kamid ah Culimada soo abaabushay isu-soobaxa ayaa sheegay in Emmanuel Macron uu meel ka dhac ku sameeyay Musliimta, isla markaana uu taageero u muujiyay sawir gacmeed laga sameeyay Nabigeena Muxamed NNKH.
Meelo kala duwan oo koofurta & Bartamaha Soomaaliya waxaa ka dhacay dibadbax ka dhan ah madaxweynaha Dalka Faransiiska, maadaama waddamada Islaamka ay ka dhiidhiyeen Aflgaadada uu geystay Macron.
Axadle.
