Muqdisho (Axadle) – Madaxweynihii hore ee Soomaaliya Shariif Sheekh Axmed, Madaxweynaha Midowga Musharaxiinta, ayaa soo dhoweeyay go’aanka Baarlamaanka ee ka noqoshada muddo kordhinta iyo dib ugu laabashada heshiiskii Sebtember 17.
“Waxaan soo dhaweynayaa go’aankii baarlamaanka ee maanta ee ahaa in dalka dib loogu celiyo heshiiskii doorashada ee 17-kii September waa talaabo wanaagsan oo u qalanto in ay u hambalyeeyaan dhamaan dadka ku lugta leh,” ayuu Sheekh Shariif ku yiri qoraal uu soo dhigay Facebook iyo Twitter
- Advertisement -
Waxaan sugeynay in mudo ah in heshiiska laga noqdo waana xalka kaliya ee doorashada ee aan heysano.
Sidoo kale shariif wuxuu dalbaday in dhamaan daneeyayaasha siyaasada oo ay kujiraan dowlada dhexe iyo dowlad goboleedyada ay kaqeyb galaan hirgalinta heshiiska wallow ay u badantahay in madaxweyne farmaajo aqbali doonin.
“Waxaan mar kale ku celinaynaa in heshiiska iyo fulintiisa ay tahay in ay fahmaan dowlada, madaxda dowlad goboleedyada iyo daneeyayaasha siyaasada dalka” ayuu yiri madaxweyne Shariif.
Ugu dambeyntiina, waxaan u mahadcelinayaa Ra’iisul Wasaaraha Xukuumadda Federaalka Ku Meel Gaarka ah, Madaxda Dowlad Goboleedyada xubnaha ka ah Dowladda Federaalka, daneeyayaasha arrimaha siyaasadda iyo beesha caalamka oo mowqif mideysan ka qaatay muddo kordhinta sharci darrada ah.
Baarlamaanka Soomaaliya ayaa cod aqlabiyad leh ku ansixiyay soo jeedin ka timid Madaxweynaha xilka ka sii degaya Maxamed C / llaahi Farmaajo oo ahaa in la laalo heshiiskii doorashada ee 17-kii September.
Gudoomiyaha Baarlamaanka Soomaaliya ayaa ka codsaday xildhibaanada inay u codeeyaan codsiga Madaxweynaha. Codsiga madaxweynaha waxaa aqbalay guud ahaan 140 xildhibaan oo kaqeyb qaatay, sida uu sheegay Mursal.
