Sawir hore
Deegaannada Bari ee Magaalada Dhuusamareeb waxaa ka taagan xiisad dagaal oo daba socota iska hor imaad shalay dhexmaray Ciidamada Xoogga dalka qaybta 21-aad ee Galmudug ka howlgala & Al-Shabaab.
Dadka deegaanka ayaa soo wariyay in la maqlayo rasaas goos goos ah oo meelaha qaar ka dhaceyso, waxaana deegaannada qaar saacadihii lasoo dhaafay la geeyay ciidamo loo diyaariyay ka qaybgalka dagaalka.
Wasaaradda Amniga DG Galmudug ayaa sheegtay in uu bilawday Howlgal ka dhan ah Al-Shabaab, isla markaana uu sii soconayo ilaa laga saaro Shabaab meelaha ay ka joogaan Gobolkaas.
Al-Shabaab ayaa dhankeeda sheegtay in dagaalkii shalay ka dhacay Gobolka Galgaduud ay kahor tageen Ciidamada Dowladda Federaalka, isla markaana khasaare ku gaarsiiyeen sida ay hadalka u dhigtay.
Duleedka Magaalada Dhuusamareeb Xarunta DG Galmudug waxaa maalmihii lasoo dhaafay dhaq-dhaqaaqyo ciidan kawaday Ciidamada Militariga DFS & Al-Shabaab, dadka deegaanka ayaa cabsi ka muujiyay dagaal dhexmara labada dhinac.
Axadle.
