Muqdisho (Axadle) – Madaxweynaha Dawladda Galmudug, Md. Kaariye (qoor qoor) wareysi gaar ah oo uu siiyay TV-ga Somali cable TV wuxuu kaga hadlayaa arimo dhowr ah, sida xaladda Afisyoone, cabsi laga qabo iney dhacdo mudo kordhin dheeri ah, cadaadis kaga yimaada beesha caalamka iyo qodobo kale oo xasaasi ah.
Wareysi hordhac ah ayuu Qoor Qoor kaga hadlay xiriirka siyaasadeed ee uu haatan la leeyahay madaxweynaha waqtigiisu dhamaaday, maadaama uu ka mid yahay hogaamiyaasha maamul goboleedyada Villa Somalia.
Qoor Qoor ayaa shaaca ka qaaday in hadii Farmaajo uu si rasmi ah ugu dhawaaqo musharaxnimadiisa inuu lamid noqon doono musharixiinta kale ee 2021 ee u tartami doona madaxweynaha dowladda Soomaaliya afarta sano ee soo socota.
“Haddii Madaxweyne Maxamed C / laahi Maxamed (Farmaajo) uu hada musharax yahay, waa uun xan, hadii uu musharax yahay, wuxuu noqonayaa musharax, waa aniga oo kale.” wuxuu ku yiri hordhaca wareysiga Madaxweyne Qoor Qoor.
Wareysiga Madaxweynaha Galmudug wuxuu ku soo aadayaa xilli xasaasi ah, dowladda Soomaaliyana waxay shaacisay inay ku kala tagtay wada hadaladii Afisyooni.
Laakiin Soomaaliya hadda waxay ku jirtaa marxalad adag oo kala guur ah, walina ismari waa ayaa ka jira hanaanka doorashada dalka sanadkan.
