Israa’iil waxay lix qof ku dishay Suuriya duqeyn gantaal oo ay ku qaadey
Kormeerayaasha Xuquuqda Aadanaha ee Siiriya ayaa sheegay in gantaalada Israel ku garaacday dhulka Siiriya ay dileen ugu yaraan lix dagaalyahano Iran taageerto jimcihi
Ciidamada Israel ayaa gantaalo ku garaacay xarun ay ku sugnaayeen koox la sheegay inay taageersan yihiin dowladda Islaamiga ah ee Iran jimcihii, sida ay sheegeen dadka u ololeeya xuquuqda aadanaha.
Duqeyntan ayaa dhacday duhurnimadii hore masaajid ku yaal magaalada Hamat ee galbeedka Suuriya, halkaas oo ay ku dhinteen ugu yaraan laba qof tiro kalena ay ku dhaawacmeen.
Kooxda la socodka xuquuqda aadanaha ee Siiriya ee fadhigeedu yahay Ingiriiska ayaa sheegtay in dadka dhintay ay dhamaantood ahaayeen mintidiinta aagga, ayna ku jiraan ajaanib aan la sheegin dhalasho ahaan.
Kooxda ayaa sheeganeysa in bartilmaameedka uu ahaa askari ka barbar dagaalamay dowlada madaxweyne Xaafid Al-Asad laakiin aan ku jirin liiska ciidamada qaranka.
Ilo wareedyo kale ayaa sheegaya in gantaalada qaar ay dul mareen Lubnaan, aakhirkiina ay duqeeyeen bartilmaameedka saldhigga Siiriya, halkaasna ay ku burburiyeen hubkooda iyo bakhaarro ay ku keydsadaan iyo goobo kale oo ay ku xooganaayeen mintidiinta.
Duqeymaha cirka ee Israa’iil ka wado Lubnaan iyo Siiriya ayaa inta badan loo arkaa inay hordhac u yihiin weerarada Xisbullah, Iiraan, Siiriya iyo maleeshiyaadka xulafada la ah Tehran.
Xigasho: BBC Carabi / Axadle
