Kooxda Premier League ee Manchester United ayaa la filayaa inay suuqa xagaaga sanadkan diidi doonto dhammaan dalabaadka laga soo gudbiyo khadkeeda dhexe ee Donny Van De Beek walow uu xiddiga Dutch-ka ahi fursad aad u kooban ka helo Ole Gunnar Solskjaer.
- Advertisement -
Walow ay Van De Beek kooxdiisii hore ee Ajax doonayso inay qaab amaah ah ku qaadato hadda Solskjaer ayaa qorshe ka leh 24 sano jirkaas isla markaana u sheegay inuu wakhtigiisu iman doono sida wargeyska The Solar uu xusayo.
Van De Beek ayaa kaliya 1 kulan oo Premier League ah 90-ka daqiiqo dhammaystay xilli ciyaareedka oo dhan waxaana uu ahaa kulankii Southampton ee November isaga oo 32 kulan oo uu badi bedel xilli dambe ah ahaa kasoo qayb qaatay tartamada oo dhan.
Hoos u dhaca VDB ayay caddayn ugu filan tahay in dhawaan xiddigta ay Netherlands kasoo wada jeedaan ee Jackie Groenen oo iyadu kooxda dumarka ee Man United oo dhawaan Outdated Trafford kulankoodii ugu horreeyay ku ciyaaray ka tirsani ay kula kaftantay inay wakhti isaga ka badan OT ku ciyaartay.
Bishii hore ayay ahayd markii Donny lala xidhiidhinayay kooxda Juventus iyadoo ay jireen warar sheegayay in isaga iyo Adrien Rabiot la is-dhaafsan doono halka dhawaan wargeyska La Repubblica uu sheegay in ay AS Roma kaga bedelan karaan Nicolo Zaniolo.
Warbixinta The Solar ayaa sheegaysa in Solskjaer uu dhawaan wadahadalo la yeeshay Van De Beek isla markaana u sheegay inuu mustaqbal fiican ku leeyahay kooxda.
