Tababaraha Real Madrid Zinedine Zidane ayaa aaminsan in Atletico Madrid ay tahay kooxda ugu cadcad hanashada La Liga marka loo eego sida ay u ciyaareen ilaa iyo haatan xilli ciyaareedkan.
Los Blancos ayaa ku soo dhaweyn doonta Atletico Madrid Estadio Alfredo Di Stefano habeenka Sabtida marka Real Madrid oo kaalinta afaraad ku jirta ay martigeliso kooxda hogaanka u heysa horyaalka ee Atletico Madrid.
Atletico ayaa sagaal dhibcood ka horreysa Real Madrid haddii ay caawa guuleysato iyadoo kulan cusub gacanta ku heysa.
“Haa, waa hubaal”, Zidane ayaa ku jawaabay markii la weydiiyay hadii Real Madrid ay ugu cadcadahay ku guuleysiga La Liga.
“Taasi waa waxa ay ku muujinayaan garoonka, waxay dareemayaan wanaag oo way tartamayaan, waligood waxay ahaayeen tartamayaal hadana waxay ku jiraan kaalinta koowaad.
“Waxa na xiiseynaya ayaa ah waxa aan ka sameyn doonno, waxay noqon doontaa ciyaar wanaagsan, mid ay taageerayaashu ku calaamadeeyeen kalandarkooda iyo mid ay ciyaartoydu doonayaan inay ciyaaraan.
“Waxa aan dooneyno kulan kasta waa inaan soo bandhigno kooxdeena annaga oo aan ka fekerin inaan ku guuleysan doono horyaalka. Waxaan dooneynaa inaan badino kulan kasta. Waxaan nahay tartame. “
