Ciyaaryahanka khadka dhexe ee Manchester United Donny Van De Beek ayaa ka tagi doona kooxda ka dib hal xilli ciyaareed oo uu leylinayey.
Van De Beek ayaa ahaa saxiixii ugu weynaa ee United ee suuqii xagaaga laakiin tababaraha reer Holland ayaa ku guuldareystay inuu boos ka helo line-upkiisa iyadoo kaliya labo kulan oo Premier League ah uu kusoo bilowday Red Devils.
Sida laga soo xigtay Daily Star, Van De Beek ayaa doonaya inuu wadahadalo toos ah la yeesho madaxweyne ku xigeenka kooxda Ed Woodward ka hor dhamaadka xilli ciyaareedka wuxuuna doonayaa inuu baxo si uu dib ugu soo nooleeyo xirfadiisa ciyaareed.
Van De Beek ayaa ku soo bilaabay 11 kulan tartamada oo dhan xilli ciyaareedkan, halka inta ka hartay 15ka kulan ee uu ciyaaray ay u yimaadeen bedelka tababaraha Ole Gunnar Solskjær oo ka faa’iideysta asxaabtiisa.
VDB ayaa lumisay booskooda qadka dhexe ee kooxda Scott McTominay, Fred, Nemanja Matic iyo Paul Pogba halka Bruno Fernandes uu yahay lambarka rasmiga ah ee 10.
23-sano jirkaan ayaa sidoo kale la sheegay inuu ka walwalsan yahay in joogitaan la’aantiisa garoonka Old Trafford ay saameyn ku yeelan karto xirfadiisa ciyaareed ee EURO.
Donny ayaa garoomada ka maqnaa seddexdii isbuuc ee lasoo dhaafay dhaawac muruqa ah.
Laakiin sida laga soo xigtay tababare Solskjær, xiddigu wuxuu ka mid noqon karaa kulanka United ee Europa League ee ay la leeyihiin AC Milan khamiista.
