Barcelona ayaa leh cadow cusub oo si joogto ah ula soo hadlaya xiddiga reer Argentine ee Lionel Messi kaas oo isku dayaya in uu ka soo kaxeeyo Camp Nou.
Lionel Messi, oo ku jira sanadkiisii ugu dambeeyay ee qandaraaskiisa kooxda Barcelona ayayna u badan tahay inuu baxayo dhamaadka xilli ciyaareedkan haddii madaxweynaha cusub ee la doortay Joan Laporta lagu qancin waayo inuu sii joogo, wuxuu durbaba isku dayay inuu ka tago kooxda xagaagii lasoo dhaafay.
Wax yar ka hor bixitaankii Neymar ayaa ka qosliyay taageerayaasha Barcelona qosol, maadaama ay quus ka joogeen tan iyo maalintii uu ka tagay tartamada Yurub, gaar ahaan Champions League.
Laakiin wuxuu intaas ku daray inuu cadaw u noqday kooxdiisii hore isla markaana uu markasta isku dayo inuu Lionel Messi ku soo jiito PSG.
Sida laga soo xigtay wargeyska Faransiiska ee L’Equie, Neymar ayaa si gaar ah ula hadlay ciyaaryahanka reer Argentina: “Waa inaad timaadaa halkan.” Neymar ayaa bixiyay macluumaad dheeri ah oo ku saabsan PSG iyo nolosha Faransiiska wuxuuna intaa ku daray in ciyaartooda ay horumar u sameysay kooxda.
Ma ahan wax qarsoodi ah in Neymar uu ku riyoodo inuu la midoobo saaxiibkiisii hore, wuxuuna si cad u sheegay bilo ka hor inay wada ciyaari doonaan xilli ciyaareedka soo socda.
Waxaan jeclaan lahaa inaan markale la ciyaaro Messi, inta badan waxaan jeclahay inaan kula ciyaaro garoonka dhexdiisa. ” Wuxuu yiri tan ka dib markii kooxdiisa ay garaacday Manchester United wareega koowaad ee xilli ciyaareedka.
“Waxaan rabaa inaan markale la ciyaaro, waan hubaa inaan wada ciyaari doono sanadka dambe,” ayuu raaciyay.
Wargeyska Isbaanishka ee Marca ayaa ku tilmaamay Neymar cadowga cusub ee Barcelona ee tartanka kula jira Joan Laporta.
Si kastaba ha noqotee, Barcelona ayaa marti qaadi doonta Paris Saint-Germain wareega labaad ee isreebreebka Champions League habeenka Arbacada, ka dib markii guuldarro 4-1 ay ka soo gaartay PSG, laakiin waxaa dhaawac la’aan uga maqnaan doona Neymar.
