Chelsea ayaa isbedel weyn sameysay tan iyo markii ay barbaraha 3-3 la galeen kooxda Southampton 17kii bishii October.
Tan iyo markaas waxay ciyaareen shan kulan oo aan wax gool ah laga dhalinin. Waxay maanta wajahayaan Sheffield United kuwaasoo iyagana raadinaya guushoodii ugu horeysay ee xilli ciyaareedka Premier League.
Chelsea waxaa kulanka maanta ka maqan Christian Pulisic oo dhaawac muruqa ah uu soo gaaray kulankii ay 3-0 kaga badiyeen Burnley laakiin wuxuu ku soo laabtay tababarka.
Xiddiga garabka ka ciyaara Kai Havertz ayaa isna maqan isagoo weli ku jira karantiil ka dib markii laga helay cudurka Korona Fayras.
Kepa Arrizabalaga ayaa taam ah ka dib dhaawac garabka ah uu qabay laakiin Edouard Mendy ayaa booska koowaad kala baxay ka dib markii uu shabaqa ilaashada lix kulan oo isku xigta halka Caballero uu fadhiyo kursiga keydka.
Azpilicueta ayaa keyd galay iyadoo James uu ku soo bilowday booska daafaca midig iyadoo Thiago Silva iyo Zouma ay daafac dhexe ka ciyaarayaan halka Chilwell uu sii xajistay booskiisa daafaca bdiix.
Kante, Kovacic iyo Mount ayaa khadka dhexe ka dheelaya halka Ziyech iyo Timo Werner ay weerarka ku caawinayaan Abraham
Dhanka Sheffield United waxaa ka maqan Ethan Ampadu oo aan ka horimaan karin Chelsea madaama ay uu amaah uga soo tagay Blues.
SHAXDA RASMIGA AH:
Chelsea XI: Mendy, James, Thiago Silva, Zouma, Chilwell, Kante, Kovacic, Mount, Ziyech, Werner, Abraham
Keyd: Caballero, Rudiger, Jorginho, Giroud, Hudson-Odoi, Azpilicueta, EmersonS
Sheffield United XI: Ramsdale, Baldock, Basham, Egan, Stevens, Lowe, Berge, Norwood, Lundstram, McGoldrick, Brewster
Keyd: Verrips, McBurnie, Sharp, Burke, Jagielka, Robinson, Osborn
