Mario Balotelli ayaa u saxiixay kooxda Talyaaniga ee heerka labaad Monza isagoo ugu wareegay si bilaash ah.
Xiddiga Talyaaniga ayaa ka garab ciyaari doona ciyaaryahankii hore ee AC Milan Kevin-Prince Boateng oo isna kooxda ku biiray.
Monza waa koox uu haatan oo saarayo ra’isal wasaarihii hore ee Talyaaniga Silvio Berlusconi kaasoo iska iibiyay AC Milan sannadkii 2017.
Balotelli ayaa tababar la qaadanayay kooxda heerka seddexaad ee Franciacorta si uu u dhiso taam ahaanshihiisa.
Laakiin wuxuu wadahdalo la yeeshay kooxda dhibtooneysa ee heerka labaad ee dalka Ingariiska Barnsley iyo kooxda Vasco Da Gama ee dalka Brazil.
Balse wuxuu ka doortay inuu sii joogo Italy oo uu u ciyaaro kooxda Serie B ee Monza isagoo u xiran doona maaliyada uu jecel yahay ee No.45
Balotelli ayaa dhawaan la burburiyay gaarigiisa isagoo u hanjabay shaqsigii sidaas yeelay.
Xiddigii hore ee Man City oo careysan ayaa muuqaal soo dhigay bartiiisa Instagram isagoo muujinaya burburka loo geystay gaarigooda.
“Waan ogahay, qof walba oo aad tahay inaad arki doonto fariintaan.
“Waxaan kuu sheegayaa inaan duceysato oo aad si adag u duceysato haddii aan ogaado qofka aad tahay, waxaan si adag kuula tiigsan doonaa sharciga madaama aysan jirin si kale oo aan kugu sameeyo. Wecelkaagan fulayga ah.”
