Xiddigta caanka ka ah telefishannada ee uu dhalay halyeyga reer England ee Dawn Ward ee lagu magacaabo Taylor ayaa shaacisay inay xidhiidh jacayl la bilowday xiddiga kooxda Manchester City ee Riyad Mahrez oo ay kala tageen gabadh hore oo laba carruur ah u dhashay.
Taylor oo uu dhalay laacibkii hore ee reer England ee Ashley Ward oo waqtigan xiddig ka ah filimka Real Housewives of Cheshire oo ay iyaduna qayb ka tahay ayaa si rasmi ah usoo bandhigtay jacaylka cusub ee ay la bilowday laacibka Manchester City ee Riyad Mahrez.
Gabadhan oo ay da’deedu tahay 22 jir, saamayn badanna ku leh baraha bulshada gaar ahaan Instagram-ka ayaa maanta oo Salaasa ahayd waxay shaacisay inay xaqiiqo yihiin wararka sheegaya jacaylkeeda cusub ee Mahrez, ayna isku yihiin lamaane qurux badan.
Sawir ay ku wada jiraan oo la qaaday xilli ay casho ugu wada baxeen bannaanka ayay barteeda Instagram soo dhigtay, waxaana wajiyadooda laga dheehanayay sida ay iskugu faraxsan yihiin iyo qosol.
Taylor oo hore xidhiidh ula lahayd Sergio Aguero ayaa sawirkan waxay ku-soo dul-qortay magaca ‘Waa aniga iyo adiga’, iyadoo kusoo dartay sawir wadne emoji ah oo ay jacaylkeeda kusoo bandhigayso.
Riyad Mahrez ayaa isaguna sawirkan soo dhigay bartiisa bulshada, gaar ahaan Story-ga si uu qof walba u arko.
Dad badan oo caan ah ayaa ka fal-celiyey sawirka iyo jacaylka lamaanahan, waxaana ugu horreeyey xiddigta barnaamijka REALITY ee Olivia Attwood, oo saddex wadne kusoo dul-sawirtay sawirkaas.
Riyad Mahrez ayay hore isku qabeen Rita Johal oo u dhashay laba carruur ah, taas oo xaflad aanay dad badan ogeyn ay isku guursadeen sannadkii 2015, hase yeeshee ay hadda kala maqan yihiin, labadii hablood ee ay u dhashayna iyadu haysata.
