Pele ayaa ugu hambalyeeyay Cristiano Ronaldo jabinta rikoorkiisa gooldhalinta ka dib seddexleeydiisii uu u dhaliyay Juventus ee Serie A.
Juventus ayaa 3-1 ku garaacday kooxda Cagliari iyada oo uu weeraryahanku dhaliyay 3 gool 22 daqiiqo gudahood.
Pele ayaa horey u sheegtey in uu dhaliyey in ka badan 1000 gool, laakiin hanbalyadiisa ayaa ka dhigan in uu hada aqbalay in Ronaldo uu jabiyay rikoorkiisa gooldhalinta rasmiga ah.
36 jirkaan ayaa dhaliyay goolkiisii 770aad ee xirfadiisa ciyaareed, isagoo seddex ka badan halyeeyga reer Brazil.
Pele ayaa fariin hambalyo ah u diray shanta jeer ku guuleystay Ballon d’Or ee baraha bulshada.
Wuxuu ku soo qoray Instagram: “Cristiano, nolosha waa halgan shaqsiyeed. Qof walba wuxuu socdaa safar u gaar ah. Muxuu ahaa safar qurux badan!
“Aad baan kuu jeclahay, waxaan jeclahay daawashada ciyaartaada, wax qarsoodi ah ma ahan.
“Waxaan kuugu hambalyeynayaa inaan ku garaacay yoolkeyga tartamada rasmiga ah, waxa kaliya ee aan ka xumahay ayaa ah inaanan xabadka gelin karin maanta.
“Laakiin waxaan kaaga tagayaa sawirkaan sharaftaada ah waxaanan kuu hayaa qadarin weyn. Waxay calaamad u tahay saaxiibtinimada aan soo wada lahayn sanado badan.”
