Xiddiga garabka uga ciyaara kooxda Paris Saint-Germain ee Neymar Junior ayaa shaaca ka qaaday mustaqbalkiisa kooxda xilli ay jiraan warar sheegaya in uu ka tagayo garoonka Parc des Princes.
Neymar ayaa kooxdiisa ka caawiyay inay hogaanka u qabato Group H ka dib markii ay 5-1 kaga badiyeen xalay kooxda Istanbul Basaksehir.
Neymar ayaa dhawaan qirtay rabitaankiisa ah inuu markale la ciyaaro Lionel Messi, oo ay waqti wacan la qaateen Barcelona.
Hadalka Neymar ayaa u muuqda mid la jaan qaadaya rabitaankiisa ah inuu Messi u ciyaaro kooxda Paris Saint-Germain, madaama uu xalay si cad u sheegay in fikirka ah inuu ka tago PSG uusan waligiis maskaxdiisa soo dhaafin.
Aad ayaan ugu faraxsanahay halkan Paris, 28 jirkaan Santos ayaa sidaa u sheegay warbaahinta Faransiiska ee RMC Sport.
“Waan ku faraxsanahay PSG iyo asxaabteyda kooxda, waligey kuma talo jirin inaan baxo, waa inaan wadahadalnaa, xiriirkeena waa mid wanaagsan, aad ayaan u faraxsanahay waana arki doonaa waxa dhaca
Dhanka kale, madaxweynaha PSG Naser El Khelaifi ayaa sheegay inuu ku qanacsan yahay Neymar iyo 21 jirka reer France ee Kylian Mbappe inay labaduba saxiixi doonaan qandaraasyo cusub.
Neymar ayaa seddexleey ka dhaliyay Istanbul Basaksehir xalay si uu uga mid noqdo gooldhaliyaasha Champions League xilli ciyaareedkan.
