Xiddiga kooxda Paris Saint-Germain Kylian Mbappe ayaa uga mahadceliyay Thomas Tuchel inuu qoray qeyb cajiib ah oo ka mid ah taariikhda kooxda isagoo sheegay in qofna uusan iloobi doonin waqtigii tababaraha Jarmalka.
47 jirkan ayaa ku guulaystay 4 koob oo maxali ah xilli ciyaareedkii hore isaga oo sidoo kale ku hogaamiyay finalka champions League 4 bilood ka hor laakiin waxa shalay shaqada ka eryay Mauricio Pochettino oo ay u badantahay in uu ku badali doono garoonka Parc des Princes.
Kooxda heysata horyaalka Ligue 1 ayaa si xun ku bilaabatay xilli ciyaareedkan, waxaana ay haatan ku jiraan kaalinta seddexaad, iyagoo hal dhibic ka hooseeya hogaamiyaasha Lyon iyo Lille ka dib markii ay 4-0 kaga badiyeen Strasbourg habeenkii Arbacada.
Toddobaadkan uun, Tuchel wuxuu qirtay inuu ka careysnaa in wixii uu qabtay aan si dhab ah loo qaadin oo ay noqon doonto hawl adag in xiddigo sida Neymar iyo Mbappe ay farxad ku sii ahaadaan caasimadda Faransiiska.
Mbappe iyo Tuchel ayaa isku dhacay Montpellier bishii Febraayo, laakiin weeraryahanka reer France ayaa fariin wanaagsan ka gaarsiiyay baraha bulshada tababarihiisii hore.
“Waa murugo in kani yahay kooxda kubada cagta,” ayuu Mbappe ku yiri bartiisa Instagram.
“Qofna ma iloobi doono waqtigaaga halkan.
“Qayb cajiib ah oo ka mid ah taariikhda kooxda ayaa la qoray oo waxaan leeyahay waad ku mahadsan tahay tababare”.
Tuchel, oo horay u soo layliyey Mainz iyo Borussia Dortmund, ayaa Unai Emery kala wareegay PSG bishii Juun 2018.
Waxa laga badiyay kaliya 19 kulan oo ka mid ah 127 kulan oo uu kooxda hogaaminayay, waxa uu badiyay 95 kulan halka uu barbaro galay 13 kulan.
