Kooxda ree Spain ee Real Madrid ayaa lagu soo warramayaa inay suuqa soo dhigtay khadkeeda dhexe ee Isco iyagoo filanaya inay saxeexiisa dagaal u geli doonaan kooxaha Arsenal iyo Everton.
Warar hore ayaa sheegayay in tababaraha Everton ee Carlo Ancelotti uu ku rajo weyn yahay inuu Isco dib ula midoobi doono kaddib markii ay wakhti wanaagsan kusoo wada qaateen Real.
Arsenal ayaa sidoo kale xiiso u muujin karta saxeexa Isco oo 20 Milyan oo Pound lagu qiimeeyo, il-wareedka ree Spain ee El Confidential ayaa hadda sheegaya in Los Blancos ay saxeexa Isco suuqa keeneen.
28 sano jirkan ayaa aad ugu haboonaan kara Arsenal oo xilli ciyaareedkan si weyn uga cabanaysa hal abuur la’aan kooxdeeda ah.
Gunners ayaa hore ugu fashilmay heshiis ay khadka dhexe ee Lyon ee Houssem Aouar kusoo xero-galin karayeen suuqii xagaaga balse warbixino cusub ayaa xusaya inay xiisihiisa dib usoo noolayn karaan bisha January.
Arsenal ayaa saxeexa Isco ka dhigatay bar-tilmaameed sarre sanadkii 2019 markii uu hoggaaminayay tababare Unai Emery waxaana ay tartan kala kulmeen Manchester City oo uu tababare ku xigeen ka ahaa Mikel Arteta.
Everton ayaa la aaminsan yahay inay tahay kooxda hoggaanka u haysa saxeexa Isco iyadoo uu Ancelotti doonayo inuu mariyo wadadii James Rodriguez oo uu isla Real Madrid kala soo wareegay suuqii dhawaa.
