Scotland, Hungary, Slovakia iyo North Macedonia ayaa ka soo baxay kulamada kala baxa ee la ciyaaray xalay oo Khamiis aheyd iyagoo xaqiijistay booskooda 24ka kooxood ee tartanka dib loo dhigay ee Euro 2020.
22 sannadood ka dib ayay xulka Scotland u soo baxeen koobka Qaramada Yurub ka dib markii ay rigoore uga soo talaabsadeen xulka Serbia iyadoo 90kii daqiiqo ee ciyaarta ay ku dhamaatay barbaro 1-1 ah.
Scotland ayaa ciyaarta ku hogaamineysay 1-0 ka dib gool uu u saxiixay Ryan Christie laakiin Luka Jovic ayaa waqtigii dhimashada ciyaarta u barbareeyay iyadoo rigooradii la isla aaday ay 5-4 ku badisay xulka Scotland oo qeyb ka noqonaya Group D oo ay sidoo kale ku wehliyaan xulalka England, Croatia iyo Czech Republic.
Hadaba isku aadka wareega group-yada Euro 2020 oo dhameystiran waa sida tan iyadoo la ciyaari doono xagaaga 2021 ka dib markii Korona Fayras dartiis dib loo dhigay.
GROUP ATurkeyItalyWalesSwitzerlandGROUP BDenmarkFinlandBelgiumRussiaGROUP CNetherlandsUkraineAustriaNorth MacedoniaGROUP DEnglandCroatiaScotlandCzech RepublicGROUP ESpainSwedenPolandSlovakiaGROUP FHungaryPortugalFranceGermany
