Kabtanka Manchester United Harry Maguire ayaa gaashaanka u daruuray ka dib markii uu seegay fursad dahabi ah kulankii ay United barbaraha la gashay AC Milan ee ka dhacay Old Trafford.
Labada magac ee waa weyn ayaa ciyaarta ka dhigay barbaro 1-1 ah wareega koowaad ee kulankooda play-off-ka ee 16-ka Europa League, iyadoo Amad Diallo uu dhaliyay bilowgii qeybtii hore oo uu raacsaday Simo Kjær oo daqiiqadii ugu dambeysay u barbareeyay AC Milan.
Kooxda martida ah ayaa uqalantay inay ugu yaraan hal barbaro ku gasho Old Trafford, madaama ay xukumayeen ciyaarta gaar ahaan qeybtii labaad iyadoo labo gool deg deg ah laga diiday qeybtii hore.
Harry Maguire ayaa lumiyay kubadiisa isaga markii uu birta gooyay qaybtii hore ee ciyaarta, halka Daniel James uu khasaariyay fursad kale qaybtii dambe.
Ciyaarta ka dib, Harry Maguire ayaa dhaleeceeyay warbaahinta wuxuuna yiri: “Ma garanayo sida kubbada goolka u socoto. Waxaan moodayay inaan dhaliyay. Cudur daar ma lihi. Waa lumay).”
Isaga oo hadalkiisa sii wata ayuu yidhi: “Waxaan helay fursad aad u fiican, Daniel James sidoo kale fursad weyn ayuu ka helay qaybta labaad, qayb ka mid ah ciyaarta laakiin wuu naga dhaafi kari waayey fursado kale.”
Harry Maguire ayaa amaanay weeraryahanka da, yarka ah ee kooxda Man United Amad Diallo waxana uu sheegay in waxa kaliya ee wanaagsan ee ay kooxdiisu leedahay ay tahay cunugga iyo hadafkiisa.
